Oracle viðskiptalausnir

Oracle starfsmannakerfið er hluti af mannauðskerfi Oracle

Mannauðskerfi Oracle samanstendur af fjölbreyttum einingum sem eru samþættar, en geta einnig staðið einar sér. Kerfið er eitt hið öflugasta á markaði og ræður við mjög hátt flækjustig í vinnslu.

Stjórnun starfsmannamála

Virk stjórnun á mannauði fyrirtækja bætir til muna innviði fyrirtækja og er leið að bættri samkeppnishæfni. Oracle starfsmannakerfið er afar framþróuð mannauðslausn sem gefur fyrirtækjum kost á fjölda leiða til að einfalda viðskiptaferli, bæta innviði, stjórnun og samskipti við starfsmenn með því að nýta betur þær upplýsingar sem fyrir liggja. Kerfið getur þannig gjörbreytt stjórnun starfsmannamála og átt þátt í að stýra starfsþróun starfsmanna í takti við stefnu fyrirtækisins á hverjum tíma.

Kostir Netsins nýttir til fulls

Mannauðsstjórnunarlausn Oracle (Oracle HR) byggist á sjálfsafgreiðslukerfi í gegnum Netið. Það gerbreytir framkvæmdastjórnun og hvernig upplýsingum tengdum mannauði er dreift innan fyrirtækja. Oracle HR gefur fyrirtækjum kost á fjölda leiða til að einfalda viðskiptaferli, bæta innviðina og samskipti við starfsmenn með því að nýta betur þær upplýsingar sem fyrir liggja.

Fullkomlega samhæft kerfi - einingum bætt við eftir þörfum

Kerfishlutar Oracle HR spila saman og mynda eitt heildstætt mannauðskerfi sem heldur utan um allar upplýsingar um starfsmenn fyrirtækisins. Miklir möguleikar skapast við að hafa allar upplýsingar í einu kerfi þar sem hægt er að tengja mismunandi starfsmannaupplýsingar saman. Hins vegar er einnig mögulegt að innleiða aðeins ákveðna kerfishluta (t.d. aðeins starfsmannakerfi eða fræðslukerfi) og bæta svo við eftir þörfum.

Fjölbreyttir möguleikar

Það eru margir mismunandi möguleikar í boði til að skrá upplýsingar inn í Oracle-starfsmannakerfið, svo sem algengar persónuupplýsingar, upplýsingar um menntun, endurmenntun, starfsferil, starfsþróun, starf, starfsheiti, kröfur til starfs, deildir, skipurit, laun og margt fleira. Allar upplýsingar sem tengjast starfsmanni í kerfinu eru síðan tengdar saman í eina heild. Með greiningartæki lausnarinnar er síðan mjög auðvelt að taka út, greina og bera saman mismunandi starfsmannaupplýsingar innan fyrirtækisins.
Saga starfsmanna er skráð í kerfið og haldið er utan um sögu breytinga í kerfinu. Það er ávallt tiltækt yfirlit yfir starfssögu starfsmanns í kerfinu og einnig er hægt er að stilla kerfið fram og aftur í tíma og skrá inn og skoða breytingar sem hafa verið gerðar á mismunandi dagsetningum.

Sjálfsafgreiðsla í gegnum Netið - sparnaður og aukin ánægja

Í gegnum Netið hafa starfsmenn aðgang að og geta uppfært persónulegar upplýsingar, sótt um námskeið, fylgst með skráðri starfsþróun sinni og skoðað launaseðla og launayfirlit. Þetta sparar vinnu og eykur nákvæmni við viðhald upplýsinga hjá starfsmannadeildum fyrirtækja/stofnana og getur virkað mjög hvetjandi á starfsmenn þar sem þeir geta til dæmis fylgst með starfsþróun sinni í kerfinu og komið með tillögur um breytingar. Verkefnastjórar eða millistjórnendur geta ráðið starfsmenn og/eða fengið yfirsýn yfir hvaða núverandi starfsmenn koma til greina í ákveðin verkefni. Öll svið fyrirtækisins verða sjálfbjarga þegar kemur að mannauði sem leiðir til þess að þeir starfsmenn sem sinna starfsmannamálum fá meiri tíma til að sinna stefnumótun og öðrum mikilvægum málum.

Öll launamál einfaldast

Fullkomið launakerfi er hluti af Oracle HR, launakerfið er algerlega samhæft öðrum einingum Oracle viðskiptalausna og hefur verið aðlagað íslenskum aðstæðum. Launakerfið ræður við hátt flækjustig og er nú notað við launagreiðslur um 50.000 launþega á Íslandi.

Samhæfðar upplýsingar

Með því að hafa í einum gagnagrunni allar upplýsingar um starfsmenn fyrirtækisins er hægt að tengja saman ólík gögn sem saman mynda verðmætar upplýsingar um mannauð fyrirtækisins á hverjum tíma. Þannig er til dæmis hægt að tengja upplýsingar um kröfur til starfa við upplýsingar um laun, hæfni, menntun og starfsþróun viðkomandi starfsmanna. Slíkar upplýsingar geta t.d. verið grundvöllur ákvarðana um þróun starfa og starfsmanna til framtíðar.
Í sjálfsafgreiðslu kerfisins er hægt að skilgreina ákveðin ferli umsókna á til dæmis ýmsa viðburði eða umsókna um laus störf og það sparar vinnu við utanumhald og skráningu og tryggir nákvæmni og eftirlit.

Öflugar aðgangsstýringar tryggja trúnaðarupplýsingar

Stýrður aðgangur er að öllum upplýsingum í kerfinu þar sem hægt er að skilgreina bæði hvaða starfsmenn viðkomandi aðili á að hafa aðgang að í kerfinu og einnig hverskonar upplýsingar og hvers konar skjámyndir viðkomandi geti séð í kerfinu. Almennir starfsmenn hafa yfirleitt einungis aðgang að eigin upplýsingum í gegnum sjálfsafgreiðslu kerfisins.

Íslenskt viðmót

Oracle starfsmannakerfið er aðlagað íslenskum aðstæðum. Allar skjámyndir kerfisins eru til að mynda þýddar yfir á íslensku. Einnig er kerfið tengt við þjóðskrá og sækir þangað ýmsar upplýsingar sem sparar vinnu við innslátt og viðhald upplýsinga í kerfinu.

Aukinn sparnaður - meiri nákvæmni

Oracle HR getur sparað fyrirtækjum/stofnunum verulegar fjárhæðir með betri nýtingu mannauðs og auknum möguleikum og nákvæmni í upplýsingum um starfsmenn fyrirtækisins á hverjum tíma. Dæmi um þetta eru eftirfarandi:

---

Oracle býður lausnir á sviði framleiðslu sem keyra að öllu leyti á Netinu. Innleiðing lausnarinnar felur í sér umbyltingu á öllum þeim ferlum sem tengjast framleiðslu og aðfangastýringu allt frá innslætti pantana, skipulagningu aðfanga, reikningagerð og framleiðslu til afhendingar pöntunar. Framleiðslulausnir Oracle styður allar gerðir framleiðslu.

Umfangsmikil og sveigjanleg lausn

Framleiðslulausnir Oracle taka mið af mismunandi þörfum framleiðslufyrirtækja og bjóða nauðsynlegan sveigjanleika þannig að fyrirtæki geta hver með sínum hætti hagnýtt lausnina. Með lausninni fæst nauðsynleg tenging milli bakvinnslukerfa og framenda. Oracle er í fararbroddi þegar kemur að samhæfingu framenda- og bakendalausna og lausnum sem ná yfir allt fyrirtækið; allt frá pöntun til afhendingar.

Betri grundvöllur fyrir ákvarðanatöku

Sérstök greiningartól sem eru hluti af framleiðslulausnum Oracle breyta því hvernig stjórnendur geta nálgast upplýsingar um framgang framleiðslunnar. Stjórnendur geta nýtt sér kosti Netsins og sérsniðna netgátt (Portal) þar sem viðeigandi upplýsingar birtast þeim. Gögnum úr framleiðsluferlinu er umbreytt í gagnlegar upplýsingar fyrir stjórnendur og þeim verður kleift að skilgreina, hafa umsjón með og greina frammistöðu fyrirtækisins. Skapast þar með betri grundvöllur fyrir ákvarðanatöku og stöðugar umbætur á framleiðsluferlum.

Bætt flæði upplýsinga, efnis og fjármagns

Framleiðslulausnir Oracle búa yfir öllum þeim tólum sem þarf til að flæði upplýsinga, efnis og fjármagns sé eins og best verður á kosið um alla aðfangakeðjuna. Með því að nýta kosti Netsins er hægt að auka allan veltuhraða. Jafnt starfsmenn sem samstarfsaðilar og birgjar geta í gegnum Netið nálgast upplýsingar hvenær og hvar sem er. Með þessu er komið í veg fyrir óþarfa tafir sökum þess að ekki fæst aðgangur að réttum upplýsingum.

Áætlanakerfið er hluti af Viðskiptalausn Oracle og hannað sem hjálpartæki til að útbúa fjárhags- og rekstraráætlanir. Einn af kostunum við að hafa allar fjárhagstengdar upplýsingar í einu gagnasafni, eins og í Oracle, er að hægt er að samnýta þær og birta á margvíslegan hátt. Áætlanakerfið nýtir upplýsingar bæði úr Fjárhag og Starfsmannakerfi Oracle, sem þýðir að hægt er að byggja áætlanir á raungögnum og réttlætanlegum viðmiðum.

Einfalt að skrá og viðhalda áætlunum

Það er mjög einfalt að útbúa áætlanir með kerfinu, bæði er hægt að útbúa þær frá grunni eða nota gögn úr öðrum kerfishlutum til viðmiðunar. Viðhald áætlana er einnig mjög einfalt, hægt er að breyta stökum upphæðum eða nota reiknireglur til að gera breytingar á hluta eða heildaráætluninni. Með minnisatriðum er hægt að merkja ástæðuna fyrir breytingum inn í áætlunina. Minnisatriði er hægt að hengja við ákveðinn lið í áætluninni, bæði handvirkt og sjálfkrafa ef reikniregla er notuð.
Kostnað við einstök störf eða stöðugildi er hægt að áætla með því að byggja á upplýsingum úr starfsmannakerfi Oracle. Hægt er að flytja áætlanir yfir í töflureikni, vinna við þær þar og flytja þær síðan aftur inn í áætlanakerfið.

Sveigjanleiki í uppbyggingu áætlana

Ef gerðar eru skipulagsbreytingar eða breytingar á bókhaldslykli fyrirtækis er einfalt að taka tillit til þess við áætlanagerð. Innbyggðir valkostir gefa möguleika á að nota aðrar forsendur en árið áður þegar uppbygging áætlunar er skilgreind.

Nákvæm upplýsingagjöf

Áætlanir er hægt að skoða á ýmsa vegu. Eitt af því sem Oracle Viðskiptalausnir bjóða er að umreikna fjárhagsgögn í þá mynt sem hentar hverju sinni. Fjöldi skýrslna fylgir með kerfinu, en einnig er hægt að útbúa sértækar skýrslur með Discoverer skýrslugerðartólinu. Í vefviðmóti eru margbreytilegir borunarmöguleikar þar sem er hægt að kafa úr summutölum niður í einstakar færslur t.d. úr áætlun fyrir fyrirtækið í heild sinni niður í áætlun fyrir einstakar deildir.

Endurbætt notendaskil

Notendaskilin í Oracle eru samræmd t.d. er hnappa- og valmyndastika kerfisins eins í öllum kerfishlutum. Þegar notendur hafa lært undirstöðuatriði í einum kerfishluta geta þeir yfirfært þá þekkingu yfir á aðra hluta kerfisins. Kerfið hefur verið aðlagað að íslenskum aðstæðum auk þess sem allar skjámyndir kerfisins og handbækur eru á íslensku.

Skýrr býður upp á góða lausn á sviði verkefnastýringar. Oracle verkbókhald er sveigjanleg lausn, þar sem fyrirtæki og stofnanir geta stýrt sjálf hvernig uppbyggingu niður á verk og verkþætti er háttað. Verkbókhald getur myndað kostnaðarútreikninga út frá töxtum og aðföngum. Einnig getur kerfið myndað tekjuútreikninga frá kostnaði eða ákveðnum vörðum. Oracle verkbókhald getur skrifað uppkast reikninga sem síðan eru innheimtir eða prentaðir út.

Utanumhald um kostnað

Með skráningu í verkbókhaldskerfið myndast gagnagrunnur. Grunnurinn er gott tæki til að sýna, rekja og bera saman kostnað og með betri vitneskju um þann kostnað sem verður til er auðveldara að taka réttar ákvarðanir. Með notkun kerfisins er einnig auðvelt að greina falinn kostnað sem annars væri erfitt að sjá.

Áætlanagerð

Í Oracle verkbókhaldi er einfalt að búa til áætlanir á verk, hvort sem er niður á tímabil, dagsetningar, tíma eða aðföng.  Kerfið heldur utan um allar útgáfur áætlana með nákvæmri útgáfustýringu.

Góð skýrslugerð

Oracle verkbókhaldskerfið inniheldur nútímalega skýrslugerð. Með henni er hægt að ná í upplýsingar og sjá stöðu verka hvenær sem er.

Einföld skráning

Oracle verkbókhald gerir notendum kleift að skrá í hvað þeir verja vinnutíma sínum á einfaldan og fljótlegan hátt. Öll skráning aðfanga á verk auðlærð.

Hagræðing

Með notkun á Oracle verkbókhaldskerfinu mun upplýsingagjöf batna og getan til góðra ákvarðanatöku margfaldast. Skýrari yfirsýn fæst yfir þau verkefni sem unnið er í hverju sinni og falinn kostnaður kemur betur í ljós. Betri yfirsýn leiðir af sér meiri hægræðingu.